نهێنییەک لەبارەی ڕوداوەکانی ۱۶ی ئۆکتۆبەر ئاشکرادەکرێت
تاریخ انتشار : ۲۳ مهر ۱۳۹۷
ریگاکوردستان – بەشی کوردی –
ئەنجامی لێکۆڵینەوە لەرووداوەکانی دوای ئەنجامدانی ڕیفراندۆم و ۱۶ی ۱۰ی ساڵی ڕابردوو، لەلایەن پەرلەمانی کوردستانەوە پەردەپۆش دەکرێت، سەرۆکی فراکسیۆنی یەکێتیش ڕایدەگەیەنێت، پارتی بێ هیچ بیانوویەک لەچوار میحوەر پاشەکشەی کردو دەشڵێت: “کەرکوکییەکان لەهەڵبژاردنەکەی ئەنجومەنی نوێنەران، وەڵامی پڕوپاگەندەو بوختانەکانی ئەو حزبەیان دایەوە”.
دلێر مستەفا، سەرۆکی فراکسیۆنی یەکێتی لەپەرلەمانی کوردستان، بە SNNی ڕاگەیاند: ئەو لیژنەیەی بۆ لێکۆڵینەوە لەڕووداوەکانی ۱۶ی ۱۰ی ۲۰۱۷ و رۆژانی دوایی، پێکهێندرا ئەنجامێکی ئەوتۆی نەبوو، چونکە هێندەی شکستێکی سیاسی بوو، شکستێکی سەربازی نەبوو، جگە لەوەش خراپی سیستمی وەزارەتی پێشمەرگەش لەو ڕوداوانە دەرکەوتن کە نەیتوانیوە کۆنترۆڵی سەرجەم هێزەکانی پێشمەرگە بکات.
بەوتەی سەرۆکی فراکسیۆنی یەکێتی، ئەو رووداوە لەئەنجامی بڕیارەکەی مەسعود بارزانی کەوتنەوەو دەشڵێت:” ڕاپۆرتمان لەلیژنەی پێشمەرگە نوسی، بەڵام بۆئەوەی هیچ لایەنێک توشی پەرچەکردار نەبێت، ڕاپۆرتەکە پەردەپۆشکرا”.
دلێر مستەفا، وتیشی: پارتی کە لە ۱۶ی ئۆکتۆبەردا، چوار میحوەری چۆڵکردو پاشەکشەی بە هێزەکانی کرد، سەرباری ئەوەش بە ناڕەوا یەکێتی تەخوین دەکات.
جەختیشدەکاتەوە، هاوڵاتیانی کەرکوک بەدەنگدانیان بە یەکێتی لەهەڵبژاردنەکەی ئەنجومەنی نوێنەران، وەڵامی هەموو بوختان و پڕوپاگەندەکانی پارتییان دایەوە، کە تەنها یەکێتی زیاتر لە ۵۰%ی دەنگەکانی ئەو شارەی بەدەستهێناو خەڵکی شارەکەش باشترین وەڵامیاندایەوە کە یەکێتی توانی لەو رووداوانە پارێزگاریان لێبکات”.
دلێر مستەفا ڕەتیکردەوە، هیچ لێکۆڵینەوەی دیکە لەوبارەیەوە بکرێت و وتی:” پارتی شەڕ لەسەر ئەوەدەکات زووتر بچێتەوە بەغداو پۆست وەربگرێت، لەگەڵ بەرپرسانی حەشدی شەعبی باوەش بەیەکتردا دەکەن و خواخوایانە ئەو رووداوانە باس نەکرێتەوە، ئەگەرنا حکومەتی عیراق تا ئەو شوێنەی مەبەستی بوو لەسنوری پارتی هات بەبێ ئەوەی هیچ بەرگرییەکیش بکرێت
اخبار مرتبط
• ادعای گولان مدیا در خصوص نجات اردوغان از سوی ضد ترور اقلیم کردستان و نیروهای آمریکایی تکذیب شد
• نخست وزیر کانتون جزیره: داعش را در منبج شکست داده ایم
• سردشت مانده در چکاد بی مهری
• حال جنگل‌های بلوط کرمانشاه خوب میشود
• لکنت زبان درکودکان بایدها نبایدها
• اجرای طرح تشدید برخورد با تخلفات موتورسیکلت سواران در کرمانشاه
• ریش آشوری و مشعل‌های سرزمین مدیا
• راههای مواصلاتی کنگاور ایمن سازی میشود
• دعوت فوتبالیست قروه ای به اردوی تیم ملی دختران زیر ۱۴ سال کشور
• چوونی ئەندامانی ئەنجوومەنی پارێزگای هەولێر لەلیستی یەکێتی بۆ ناو پارتی
• یلدرم هه‌واڵێک سه‌باره‌ت به کورد ره‌ت ده‌کاته‌وه
• 🔴ﺭﻭﺩﺧﺎﻧﻪ ﺳﯿﻤﺮﻩ ﺍﯾﻼﻡ، ﮔﻬﻮﺍﺭﻩ ﯼ ﺗﻤﺪﻧﻬﺎﯼ ﺑﺰﺭﮒ کوردستان باستان
لطفا دیدگاه خود را در مورد این مطلب بیان کنید.
