• صفحه خانگی
  • >
  • کوردی
  • >
  • شاندێکی ئەمریکا: بەبێ‌ بارزانی و پێشمەرگە شەڕی موسڵ سەرکەتوو نابێت

شاندێکی ئەمریکا: بەبێ‌ بارزانی و پێشمەرگە شەڕی موسڵ سەرکەتوو نابێت

رێگا کوردستان – بەشی سیاسی / هەولێر

شاندێکی باڵای سەربازیی ئەمریکا بە بەشداری ژمارەیەک بەرپرسی سەربازیی کورد لەگەڵ سەرۆکی هەرێمی کوردستان کۆبووەوە. لە کۆبوونەوەکەدا باسی کۆنترۆڵکردنەوەی موسڵ کراوە و فەرماندەی فەرماندەیی ناوەندی ئەمریکا رایگەیاندووە “شەڕی موسڵ بەبێ‌ بارزانی و پێشمەرگە سەرکەتوو نابێت”.

ئێوارەی رۆژی یەکشەممە ۳۱-۷-۲۰۱۶ لە پیرمام، مەسعود بارزانی لەگەڵ شاندێکی باڵای سەربازی ئەمریکا کۆبووەوە. ئەندامانی شاندەکە بریتیبوون لە: جۆزێف دانفۆرد، فەرماندەی فەرماندەیی ناوەندیی ھێزەکانی ئەمەریکا، ستیوارت جۆنز، باڵیۆزی ئەمەریکا لە عێراق، ماکفارلاند، فەرماندەی ھێزەکانی ھاوپەیمانان لە عێراق، کێن گڕۆس، کونسوڵی ئەمەریکا لە ھەولێر و ژمارەیەک لە فەرماندە و راوێژکارانی سوپای ئەمەریکا.

وەک لە راگەیێندراوی کۆبوونەوەکەدا ئاماژەی پێدراوە، فەرماندەی فەرماندەیی ناوەندیی ھێزەکانی ئەمەریکا رایگەیاندووە ” ھەر جارێک بارزانی دەبینێت و لەگەڵیدا کۆدەبێتەوە، لە ئازادکڕدنی موسڵ و شکاندنی داعش نزیکتر دەبێتەوە و حەماس و پێکۆڵی بۆ لەنێوبردنی داعش زیاتر دەبێت”.

فەرماندەی فەرماندەیی ناوەندیی ھێزەکانی ئەمەریکا بارزانی لە وردەکاری پلانی وڵاتەکەی و ھاوپەیمانان بۆ تێکشکاندنی داعش لە عێراق و سووریا ئاگادارکردووەتەوە و جەختی لەسەر ئەوە کردووەتەوە ئەمەریکا بەردەوام دەبێ لە پشتیوانیکردنی پێشمەرگە. گوتووشیەتی ” بەلای وڵاتانی ھاوپەیمان، پلانی ئازادکردنی موسڵ بەبێ بەشداریکردنی بارزانی و ھێزی پێشمەرگەی کوردستان سەرکەوتوو نابێت”.

لەبەرامبەردا مەسعود بارزانی، سەرۆکی هەرێمی کوردستان رایگەیاندووە “گرنگتر لە ئازادکردنی شاری موسڵ لەڕووی سەربازی، بوونی پلانی سیاسییە بۆ قۆناخی دوای داعش و بەڕێوەبردنی شاری موسڵ، ئەمەش لەپێناو گەرەنتیکردنی ئاسوودەیی پێکھاتەکان و رێگەگرتن لە دووبارەبوونەوەی کارەساتی دیکە”.

ھەر لە کۆبوونەوەکەدا گفتوگۆ لەبارەی بارودۆخی مەیدانی بەرەکانی رووبەڕووبوونەوەی داعش و دوایین سەرکەوتن و پێشھاتەکان کراوە و، ھەماھەنگیی نێوان ھێزی پێشمەرگە و ھێزی ھاوپەیمانان و ھێزەکانی عێراقیش تاووتوێکراوە.

قبلی «
بعدی »

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اخبار