نێجیرڤان بارزانی چی به دوو مایکه‌که‌ی کوردستان تی ڤی و که‌ی ئێن ئێن وت
به بینینی مایكی كوردستان تی ڤی و كه‌ی ئێن ئین پێكه‌وه له ده‌ست رۆژنامه‌سێكدا نێچیرڤان بارزانی سه‌رۆكی حكومه‌تی هه‌رێمی كوردستان رۆژنامه‌نوسانی هێنایه پێكه‌نین و قوباد تاڵه‌بانیی جێگریشی وتی: " تطوراته".
تاریخ انتشار : ۲۰ مهر ۱۳۹۵
رێگا کوردستان -بەشی بین الملل
بەراپورتی رێگا کوردستان،به بینینی مایکی کوردستان تی ڤی و که‌ی ئێن ئین پێکه‌وه له ده‌ست رۆژنامه‌سێکدا نێچیرڤان بارزانی سه‌رۆکی حکومه‌تی هه‌رێمی کوردستان رۆژنامه‌نوسانی هێنایه پێکه‌نین و قوباد تاڵه‌بانیی جێگریشی وتی: ” تطوراته”.
ئه‌مڕۆ دووشه‌ممه ۱۰ی تشرینی یه‌که‌می ۲۰۱۶، پڕۆسه‌ی به ئه‌لکترۆنی کردنی مووچه‌ی فه‌رمانبه‌ران له ئه‌نجومه‌نی وه‌زیرانی حکومه‌تی هه‌رێمی کوردستانه‌وه ده‌ستیپێکرد.
له لێدوانێکی رۆژنامه‌وانیدا بۆ که‌ناڵه‌کانی راگه‌یاندن، هه‌ریه‌که له نێچیرڤان بارزانی، سه‌رۆکی حکومه‌تی هه‌رێم و قوباد تاڵه‌بانی، جێگری سه‌رۆکی حکومه‌تی هه‌رێم گرنگی پرۆسه‌که‌یان خسته‌ڕوو.
نێچیرڤان بارزانی، سه‌رۆکی حکومه‌تی هه‌رێمی کوردستان رایگه‌یاند، پرۆسه‌ی سیسته‌می به‌ئه‌لیکترۆنیکردنی مووچه پرۆسه‌یه‌کی گرنگه بۆ هه‌رێمی کوردستان.
نێچیرڤان بارزانی راشیگه‌یاند، گرنگی پرۆسه‌ی سیسته‌می به‌ئه‌لیکترۆنیکردنی مووچه هۆکارێکه بۆ چاکسازیکردن له‌مووچه‌ی فه‌رمانبه‌ران، بۆیه پرۆسه‌یه‌کی گرنگه بۆ هه‌رێمی کوردستان.
نێچیرڤان بارزانی ئه‌وه‌شی راگه‌یاند، که له‌هه‌وڵه‌کانیان به‌رده‌وامده‌بن بۆ ئه‌نجامدانی چاکسازی له‌سه‌رجه‌م سێکته‌ره‌کانی هه‌رێمی کوردستان.
لای خۆیه‌وه قوباد تاڵەبانی جێگری سەرۆکی حکومەتی هەرێمی کوردستان، رایگه‌یاند: حکومه‌ت لە هەوڵەکانی بۆ ئەنجامدانی چاکسازی بەردەوامدەبێت، ئەوەش بەئەنجامدانی چەند پرۆسەیەک لەهەرێمی کوردستان.
قوباد تاڵەبانی وتیشی: “حکومەتی هەرێم هەفتەی رابردوو گرێبەستی لەگەڵ کۆمپانیایەکی بیانی بۆ وردبینی لەداهاتی نەوت ئەنجامدا، ئەمڕۆش پرۆسەی بەئەلیکترۆنیکردنی سیستەمی دابەشکردنی موچە بەسەر فەرمانبەرانی راگەیاندووە”.
هه‌رله میانی کۆنگره رۆژنامه‌وانییه‌که‌دا نێچیرڤان بارزانی که هاوکات جێگری سه‌رۆکی پارتی دیموکراتی کوردستانه، له‌کاتی قسه‌کردندا، مایکی که‌ناڵی “کوردستان تی ڤی”ی پارتی و “که‌ی ئێن ئین”ی گۆڕانی پێکه‌وه له ده‌ست په‌یامنێرێکدا بینی و سه‌رنجی دایه هه‌ردوو مایکه‌که‌ی ده‌س په‌یامنێره‌که و به پێکه‌نینه‌وه پێی ده‌ڵێت: “ئه‌رێ کاکه ئێوه ئه‌م هه‌ردووک پێکه‌وه گرتووته”.
له‌و کاته‌دا ئاماده‌بووان ده‌ست ده‌که‌ن به پێکه‌نین و قوباد تاڵه‌بانیش له لای خۆیه‌وه ده‌ڵێت: “تطوراته”.
ئه‌و قسه‌ی نێچیرڤان بارزانی له کاتێک دایه که پارتی و گۆران بۆ ماوه‌یه‌کی زۆره له یه‌کتر دابڕاون و ناتوانن پێکه‌وه کۆببنه‌وه، به‌ڵام بینیی مایکی که‌ناڵه‌کانی هه‌ردوو حزب له‌ده‌ست یه‌ک په‌یامنێردا سه‌رنجی راکێشا.
مایکی ئه‌و دوو که‌ناڵه‌ی له کاتی ناکۆکییه سیاسییه‌کانی نێوان هه‌ردوو حزبه‌که‌دا ناو به‌ناو هه‌ڵمه‌تی میدیایی توند ده‌که‌نه سه‌ر یه‌کتری، هه‌ربۆیه قوباد تاڵه‌بانی پێکه‌وه‌بوونی ئه‌و دوو مایکه به پێشکه‌وتن و “تطورێک” ده‌زانێت.
https://youtu.be/JlSAATkzPRA?t=6
اخبار مرتبط
• یادداشتی بە بهانەی روز جهانی زبان مادری
• ۷ اثر معنوی استان ایلام در فهرست آثار ملی به ثبت رسید
• فیگن یوکسکداغ: ترکیه نمی تواند بپذیرد کردها به قدرتی در مرکز سیاست تبدیل شده اند
• آثار یازده‌هزار ساله انسان در کرماشاه
• کشف و امحاء یک تن گوشت قرمز ناسالم در شهرستان سنقروکلیایی
• بیانیه کمیسیون حقوق بشر کانون وکلای دادگستری کرمانشاه در محکومیت حملات تروریستی به مساجد نیوزیلند
• ریش آشوری و مشعل‌های سرزمین مدیا
• حیدری طیب: برای اجرا نکردن اصل ١۵ قانون اساسی به رئیس جمهور تذکر می دهم.
• “ترکیه از بمباران ادلب توسط روسیه ممانعت کرد”
• رجب طیب اردوغان/ اکنون در قندیل هستیم؛ لازم باشد به شنگال هم می رویم
• به دنبال چه هستیم ؟ مهار ریز گرده ها یا تخریب مدیران دولتی
• پرداخت ۲ میلیارد و ۲۵ میلیون ریال تسهیلات به باغداران ملایری
لطفا دیدگاه خود را در مورد این مطلب بیان کنید.
