ئامووزش رێنۊس کوردی (به‌ش په‌نجم)

  • توسط
  • ۱۳۹۶-۰۴-۱۵
  • ۰

رێگا کوردستان – بەش فەرهەنگی

ئه زوان وژمانا بنۊسیم، ئه زوان وژمانا بخوه‌نیم

زوان میراتی “والدز” (٢٠٠٠) ڤتەنی: زوان میراتی زوانێکه ک ئاێمه‌ل نام ی ماڵ ئه‌گه‌رد یه‌ک ئه بێنێ گه‌په مه‌ن و ئه زوانه، ئه‌ژ دا و باوه‌ن ئه‌ڕانان ئه میرات مه‌نێیە. ڤه ئه‌گه‌ر به‌ێمان ته‌ریف ساده‌ترێ ئه‌ژ زوان میراتی بووشیمن باێس ئه‌ێ ده‌م ” پولنسیکی، ئم، وکا، ئا، ٢٠٠٧ ” ڤه ئێ زوانه بووشیمن ” زوان ماڵانه”.
که‌سه‌لێ ک زوان ماڵانه‌ن که‌ل کوت یاده مه‌گرن و دا و باوه‌ن زوان ره‌سمی کشڤه‌ران یا زوانێتر نیشانانه مه‌ێ، هەرگس نمه‌توێنن ئه ره‌وانی و راتی که‌سه‌لێ ک ئه زوان یه‌کمانا یا زوان میراتیانا ک خاس گه‌په مه‌ن، خاس گه‌پ به‌ن و سیفا بگرن و یادبگرن . هن یه‌سه ک هه‌مۊشه ئه نام یادگیریانێره که‌م کوتێ گیچه‌ڵ درن و ئه‌ڕا یادگیری هانه دومارا.
ئه‌ڵبه‌ت باێس گه‌پێتریج ئه‌ێ ده‌م “فیشمن” بووشیمن ک که‌سه‌لێ ک زوان داڵکانه یا زوان میراتی یا زوان یه‌کمان ئه خاسا یاده مه‌گرن ڤه دومارێ زوانه‌لێتریج یاده مه‌گرن و ئه بێنانا گه‌په مه‌ن، مه‌زگان توونای تێڕژ بنه‌ڕوو و ئاگرتن فرەترێ درێ تا که‌سه‌لێتر ک زوان یه‌کم یا داڵکه‌یان که‌ل کوت یادان گرتیێه یا هه‌ر یادان نه‌گرتیێه.

پیت “س”، “ث”، “ص” ئه نام کوردیێره هەره “س” مه‌نۊسرێ و مه‌خوه‌نرێ.
پیت “س”، “ث”، “ص” جوور: له‌سم، سزرگه، ده‌سگیران، خه‌س، ماسمات، سێسێ، کاسمسا، ده‌ساوێز، شه‌وسوێ، تیسکن، ناویس، هناسێ، سوێ، سوره‌یا( ثریا)، مساڵ (مثال)، ساوین (صابون)، ته‌سادوف (تصادف).

پیت “ت”، “ط” ئه نام کوردیێره هەره “ت” مه‌نۊسرێ و مه‌خوه‌نرێ.
پیت “ت” جوور: تیز، تێن، تووف، کوتات، شه‌که‌ت، تۊڕک، تام، خڵات، تاکانه، ته‌رمه‌کووڵه، ته‌شنه، تاک لوور، قوته، کنشت، ته‌سوخ، ته‌وه‌قه، ته‌تیل (تعطیل)، متبه‌خ (مطبخ)، ئفتار (افطار: دەم ئاکردن).

پیت “ز”، “ض”، “ذ”، “ظ” ئه نام کوردیێره هەره “ز” مه‌نۊسرێ و مه‌خوه‌نرێ.
پیت “ز” جوور: نازار، زۊل، زه‌ڵه، گه‌زه، زه‌ڕه، خاوزڕ، ئازا، نزم، زمهه‌ڕ، ئه‌زه‌ر، زه‌ێم، دۊزه، زوان، مزه‌مه‌ت، زوما، زانستن، زه‌رده‌ڤه‌نگ، تومه‌رز، گوزه‌شته (گذشته)، مه‌زهه‌ب (مذهب)، زاڵم (ظالم)، مه‌زلووم (مظلوم)، ئمزا (امضا).

نۊسر: بێژه‌ن همه‌تی

قبلی «
بعدی »

دیدگاهتان را بنویسید

نشانی ایمیل شما منتشر نخواهد شد.

اخبار